Ang Republic Act No. 9262, o Anti-Violence Against Women and Their Children Act of 2004, ay batas na nagbibigay proteksiyon sa mga babae at bata laban sa anumang anyo ng pisikal, seksuwal, sikolohikal, o ekonomikong pang-aabuso na ginagawa ng kanilang “intimate partner” — kasal man, dating asawa, live-in partner, dating karelasyon, fiancé, o sinumang nakarelasyon nang romantiko o seksuwal. Ito ang tugon ng Kongreso sa lumalalang kaso ng domestic violence at kinikilalang “public crime,” kaya sinumang may personal na kaalamang nangyari ang krimen ay maaaring magsampa ng reklamo. 

“Violence against women and their children refers to any act or a series of acts … which result in, or is likely to result in, physical, sexual, psychological harm or suffering, or economic abuse, including threats of such acts, battery, assault, coercion, harassment, or arbitrary deprivation of liberty.”
— Section 3(a), RA 9262 

Sino ang Protektado ng Batas?

• Asawa o dating asawa na babae

• Babaeng karelasyon (kasalukuyan o dati)

• Babaeng may anak sa nambubugbog

• Anak — lehitimo o ilehitimo, menor de edad o nasa hustong gulang ngunit may kapansanan

Ang batas ay neutral sa kasarian ng gumawa ng karahasan; kahit kapwa babae ang mambubugbog ay sakop pa rin ng RA 9262 basta’t babae at/o bata ang biktima.

Apat na Uri ng Karahasan

Mga Parusa

• Pagkakakulong: mula 1 buwan at 1 araw hanggang 20 taon depende sa bigat ng krimen

• Multa: ₱100,000 – ₱300,000

• Mandatory counseling o psychiatric treatment ng mambubugbog

Proteksiyon na Maaari Mong Hilingin

Hindi maaaring ilihim o tapusin sa “pamamagitan” ng barangay ang kaso—hindi pinapayagan ng batas ang mediation sa VAWC. 

Madalas Itanong

1. Pwede bang magreklamo kahit boyfriend lang ang nanakit?
Oo, sakop ng batas ang kasalukuyan o dating karelasyon, kahit hindi kayo kasal.

2. Kasama ba ang cheating na nagdudulot ng matinding pagdurusa?
Oo, kapag ang pagtataksil ay nagdudulot ng sikolohikal na karahasan, maaari itong parusahan bilang VAWC. 

3. Tumigil na sa pagbibigay-suporta ang ex-husband ko. VAWC ba ito?
Oo, ang sadyang hindi pagsuporta ay economic abuse at maaring kasuhan sa ilalim ng RA 9262.

4. Paano kung lalaking biktima?
Maaaring maghain ng kaso sa ilalim ng Revised Penal Code; hindi sakop ng RA 9262 ang lalaking biktima.

Prescriptive Period

• 20 taon para sa pisikal na karahasan at mga banta nito.

• 10 taon para sa seksuwal na karahasan (maliban sa rape), stalking, at iba pang acts na nagpapahirap sa biktima.

Kung ikaw o kilala mo ay biktima ng karahasan, huwag kang mag-atubiling humingi ng tulong. Kumonsulta sa aming mga abogado para sa kompidensiyal at agarang payo: LegalEasePH — narito kami para ipaglaban ang iyong karapatan.